నరాలు తెగే ఉత్కంఠత.. హైడ్ న్ సిక్ మూవీ రివ్యూథ్రిల్ ను పంచే హైడ్ న్ సిక్ మూవీ రివ్యూ

నరాలు తెగే ఉత్కంఠత.. హైడ్ న్ సిక్ మూవీ రివ్యూ

థ్రిల్ ను పంచే హైడ్ న్ సిక్ మూవీ రివ్యూ

చిత్రం : హైడ్ న్ సిక్

నటీనటులు: విశ్వంత్, శిల్పా మంజునాథ్, రియా సచ్దేవ్, శ్రీధర్ తదితరులు

బ్యానర్: సహస్ర ఎంటర్ టైన్మెంట్స్

సమర్పణ: ఎంఎన్ఓపీ

సంగీత దర్శకుడు: లిజో కె జోష్

సినిమాటోగ్రాఫర్: చిన్న రామ్

ఎడిటర్: అమర్ రెడ్డి కుడుముల

లిరిసిస్ట్ : సుద్దాల అశోక్ తేజ

ఆర్ట్ : నిఖిల్ హస్సన్

పీఆర్ఓ: హరీష్, దినేష్

నిర్మాత: నరేంద్ర బుచ్చిరెడ్డిగారి

దర్శకత్వం: బసిరెడ్డి రానా

విడుదల: 21-09-2024

సహస్ర ఎంటర్ టైన్మెంట్స్ బ్యానర్ పై నిశాంత్, ఎంఎన్ఓపీ సమర్పణలో.. నిర్మాత నరేంద్ర బుచ్చిరెడ్డిగారి, దర్శకుడు బసిరెడ్డి రానా దర్శకత్వంలో తెరకెక్కిన తాజా చిత్రం హైడ్ న్ సిక్. ఈ మూవీ టీజర్, ట్రైలర్, ప్రచారచిత్రాలు సినిమాపై మంచి అంచనాలు పెంచాయి. అలాగే యువ హీరో విశ్వంత్ గతంలో నటించిన కేరింత, మనవంతా వంటి సినిమాలు ప్రేక్షకులకు దగ్గరయ్యాయి. ఈ నేపథ్యంలో విశ్వంత్ నటిస్తున్న చిత్రం అంటే మినిమమ్ గ్యారెంటీ అనే నమ్మకంతో హైడ్ న్ సిక్ చిత్రంపై ప్రేక్షకులు అంచనాలు పెంచుకున్నారు. ఈ శుక్రవారం థియేటర్లో విడుదలైన ఈ చిత్రం ఏ మేరకు అలరించిందో చూద్దాం. 

కథ:

కర్నూల్ నేపథ్యంలో జరిగే ఈ చిత్రంలో శివ(విశ్వంత్) ఆర్మీ డాక్టర్ కావాలనే లక్ష్యంతో మెడిసిన్ చదువుతూ.. తన అక్కతో కలిసి ఉంటాడు. తన తండ్రి, బావ ఆర్మీలో పనిచేసి వీరమరణం పొందారు కాబట్టి అతడు ఆర్మీకి వెళ్లడం శివ అక్కకు ఇష్టం ఉండదు. తనతో పాటు కాలేజీలో చదువుతున్న వర్ష(రియా సచ్దేవ్)తో శివ ప్రేమలో ఉంటాడు. వీరి పెళ్లికి వర్ష తండ్రి కేకే కూడా ఒప్పుకున్నారు అని సంతోషపడుతారు. కేకే మెంటల్ హెల్త్ హాస్పటల్ స్థాపించి రోగులకు నయం చేస్తుంటాడు. అయితే సిటీలో ఒక డెలివరీ బాయ్ ని ఒకతను ఏ కారణం లేకుండా రాడ్ తో కొట్టి చంపేస్తాడు. అది యాక్సిడెంట్ కేసు అని క్లోజ్ చేస్తారు పోలీసులు. అది యాక్సిడెంట్ కాదు మర్డర్ అని ఎవరో పోలీస్ స్టేషన్ కు లెటర్ పంపిస్తారు. ఆ కేసు ఇన్వేస్టిగేట్ చేస్తున్న వైష్ణవి(శిల్పా మంజునాథ్) దాన్ని సిరీయస్‌గా తీసుకోదు. ఈ సమయంలో శివ ఫ్రెండ్ చందు సుసైడ్ చేసుకుంటాడు. ముందు అందరూ దాన్ని సుసైడ్ అనుకుంటారు కానీ శివ మాత్రం అది మర్డర్ అని నమ్ముతాడు. కట్ చేస్తే మీడియాకు అది సూసైడ్ కాదు మర్డర్ అని శివ లెటర్ పంపిస్తాడు. దాంతో ఆ కేసు మీడియాలో సంచలనంగా మారుతుంది. పోలీసులు సీరియస్ గా తీసుకుంటారు. ఆ తరువాత ఈ కేసులో శివను ఫ్రేమ్ చేస్తారు. దాంతో శివ మర్డర్ కేసులో చిక్కుకుంటాడు. శివను ఎందుకు కార్నర్ చేశారు. ఎవరు చేశారు. ఈ వరుస మర్డర్లు ఎందుకు జరుగుతున్నాయి. కేకేకు ఈ మర్డర్లకు సంబంధం ఏంటి? పోలీసు ఆఫీసర్ వైష్ణవి ఈ కేసును ఎలా డీల్ చేసింది. ఈ కేసులో శివ పాత్ర ఏంటి? అనేది తెలియాలంటే హైడ్ న్ సిక్ సినిమా చూడాల్సిందే. 

విశ్లేషణ:

ఇలాంటి సినిమాలు చాలా అరుదుగా వస్తుంటాయి. నాలుగు ఫైట్లు ఐదు పాటలు ఉండే రెగ్యులర్ సినిమా కాదు హైడ్ న్ సిక్. మొదటి సీన్ నుంచి సినిమా అయిపోయే వరకు ప్రేక్షకుడిని ఉక్కిరి బిక్కిరి చేసే సస్పెన్స్ థ్రిల్లర్. పిల్లలు చాలా మంది మొబైల్ గేమ్స్ కు అలవాటు పడుతున్నారు. ఆ మధ్య బ్లూవేల్ గేమ్ అని బాగా ట్రెండ్ అయింది. అలాంటి ఒక గేమ్ పిల్లలనే కాదు యువకులను కూడా ఎలా బానిసలుగా చేసి వారి జీవితాలతో ఎలా ఆడుకుంటుందో కళ్లకు కట్టినట్లు చూపించారు. మొదటి మర్డర్ నుంచి ఇంటర్వెల్ వరకు స్క్రీన్ ప్లే ఎంతో గ్రిప్పింగ్ రాసుకున్నారు. తరువాత ఏం జరగబోతుందో ఎవరి ఊహకు అందనట్లుగా చాలా క్రియేటీవ్ గా తెరకెక్కించారు. అయితే సెకండ్ ఆఫ్ లో సినిమా కాస్త స్లో అవుతుంది. కొంత సేపటికి మళ్లీ వేగం పుంజుకుంటుంది. అసలు మర్డర్ల వెనుక ఎవరు ఉన్నారు అనేది ఎవరు ఊహించని ఒక ట్విస్ట్. అయితే ఈ మర్డర్లను ఎవరు చేస్తున్నారు. ఎందుకు చేస్తున్నారు అనే విషయాలతో పాటు ఏ పద్దతిలో చేస్తున్నారు. అనేది పూరాణాలలో ఒక కథకు లింక్ చేస్తూ చెప్పే విధానం మెప్పించింది. 

మారణహోమం జరిగితే ఏంటి పరిస్థితి అనే ఆలోచనకు ప్రేక్షకుడిని తీసుకెళ్లి భయపెట్టిస్తుంది. తరువాత మర్డర్ ఎక్కడ ఎలా చేయబోతున్నారు అనే విషయాన్ని కనుగోనే పద్దతి మెప్పించింది. ఇలాంటి అంశాలు చాలానే ఉన్నాయి ఈ చిత్రంలో. ప్రీ క్లైమాక్స్ తరువాత మళ్లీ సినిమా వేగం పెరగుతుంది. అయితే ముందే చెప్పుకున్నట్లు ఇది రెగ్యూలర్ కమర్షియల్ చిత్రాల లాగా ఉండదు. క్లైమాక్స్ కూడా చాలా స్మూత్ గా హ్యండిల్ చేశారు. ఎక్కడ పెద్ద రక్తపాతాలను చూపించలేదు. ఫ్యామిలీ ఆడియన్స్ తో పాటు చిన్న పిల్లలు కూడా చూసే విధంగా తెరకెక్కించారు. అయితే ఇలాంటి ఘటనలు నిజ జీవితంలో కూడా చాలానే జరిగాయి కాబట్టి ప్రతీ ప్రేక్షకుడు చాలా ఈజీగా సినిమాకు కనెక్ట్ అవుతారు. మంచి థ్రిల్ ను ఫీల్ అవుతారు. 

నటీనటులు:

ఇన్ని రోజులు లవర్ బాయ్ క్యారెక్టర్లో అలరించిన విశ్వంత్ హైడ్ న్ సిక్ చిత్రంలో ఫెరోషియస్ క్యారెక్టర్ లో కనిపించారు. బాధ్యతగల తమ్ముడిగా, స్టూడెంట్ గా ఫ్రెండ్ కేసును సాల్వ్ చేసే ఇన్వెస్టిగేటర్ గా విభిన్న షేడ్స్ ఉన్న పాత్రలో మెప్పించారు. విశ్వంత్ తరువాత పోలీసు క్యారెక్టర్ చేసిన శిల్పా మంజునాథ్ మంచి మార్కులు వేసుకుంది. ఆఫీసర్ గా తన లుక్స్ చాలా బాగున్నాయి. తన ఫేస్ లో సీరియస్ నెస్ ను మెయింటైన్ చేస్తూనే ఒక సీన్లో ఎమోషనల్ సీన్ అద్భుతంగా పండించింది. అలాగే ఇందులో కేకే క్యారెక్టర్ చేసిన ఆర్టిస్టుకు తక్కువ స్పేస్ ఉంది కానీ చాలా ఇంపాక్ట్ ఉన్న పాత్ర. ఉన్నంతలో మెప్పించారు. అలాగే మిగితా ఆర్టిస్టుల అంతా వారి వారి పాత్రల మేరకు అద్భుతంగా చేశారు. 

సాంకేతిక నిపుణులు:

డైరెక్టర్ బసిరెడ్డి రానా రాసుకున్న కథను చాలా గ్రిప్పింగ్ తీశారు. చేసింది మొదటి సినిమా అయినా చాలా బాగా చేశారు. ముఖ్యంగా సస్పెన్స్ సీన్లను చాలా బాగా హ్యండిల్ చేశారు. భవిష్యత్తులో మంచి సినిమాలు చేసే అవకాశం ఉంది. ఫస్ట్ అవుట్ పుట్ అయినా అద్భుతంగా ఇచ్చారు. ఆయన రాసుకున్న కథ చాలా బాగుంది. ఇక ఈ సస్పెన్స్ థ్రిల్లర్ కు ప్రాణం పోసింది మ్యూజిక్. మ్యూజిక్ డైరెక్టర్ లిజో కె జోష్ ఇచ్చిన మ్యూజిక్ సస్పెన్స్ సీన్లలో నరాలు తెగేలా ఇచ్చారు. కచ్చితంగా పెద్ద సినిమాలకు అవకాశం వస్తుంది. ఇక సినిమాటో గ్రాఫర్ చిన్న రామ్ తనకు ఉన్నంతలో బాగాచేశారు. ఎడిటర్ ఇంకోంచె ఎఫెర్ట్ పెట్టింటే బాగుండేది ఉన్నంతలో మంచి అవుట్ పుట్ ఇచ్చారు. అలాగే నిర్మాణ విలువలు బాగున్నాయి.

ప్లస్ పాయింట్స్

కథ

కథనం

బీజీఎమ్

ఫస్ట్ ఆఫ్

మైనస్ పాయింట్స్

అక్కడక్కడ కాస్త ల్యాగ్

రేటింగ్: 3/5