వినుత్నమైన పాయింట్ తో రాజుగారి కోడిపులావ్... మూవీ రివ్వూ

వినుత్నమైన పాయింట్ తో రాజుగారి కోడిపులావ్... మూవీ రివ్వూ

చిత్రం: రాజుగారి కోడిపులావ్ 

నటీనటులు: శివ కోన, ప్రభాకర్, కునాల్ కౌశిక్, నేహా దేష్ పాండే, ప్రాచీ థాకేర్, అభిలాష్ బండారి, రమ్య దినేష్ తదితరులు

బ్యానర్ : ఏఎమ్ఎఫ్, కోన సినిమా

నిర్మాతలు : అనిల్ మోదుగ, శివ కోన

డైరెక్టర్ : శివ కోన

సంగీతం : ప్రవీణ్ మని

సినిమాటోగ్రఫి : పవన్ గుంటుకు

ఎడిటర్ : బసవా- శివ కోన

సౌండ్ డిజైన్ : జీ. పురుషోత్తమ్ రాజు

వీఎఫ్ ఎక్స్ : విష్ణు పడిలోజు

సౌండ్ మిక్సింగ్ : ఏ రాజ్ కుమార్

రచన సహకారం,ప్రొడక్షన్ కంట్రోలర్ : రవి సంద్రన

పీఆర్ఓ : హరీష్, దినేష్

విడుదల: 04-08-2023

ఏఎమ్ఎఫ్, కోన సినిమా బ్యానర్లపై అనిల్ మోదుగ, శివ కోన సంయుక్తంగా నిర్మించిన చిత్రం రాజుగారి కోడిపులావ్. శివ కోన స్వియ దర్శకత్వంలో ఈటీవీ ప్రభాకర్, నేహా దేశ్ పాండే, కునాల్ కౌశిక్, ప్రాచీ థాకేర్, రమ్య దేష్, అభిలాష్ బండారి తదితరులు నటించిన ఈ సినిమా ఎన్నో అంచనాల నడుమ ఆగస్ట్ 4న థియేటర్లో ప్రేక్షకుల ముందుకు వచ్చింది. ట్రైలర్ తో మంచి అంచనాలను క్రియేట్ చేసిన ఈ మూవీ ప్రేక్షకులకు ఏ మేరకు నచ్చిందో చూద్దాం.  

కథ: 

రాజుగారు(ప్రభాకర్) ఒక హోటల్ ను నడుపుతూ కోడిపులావ్ తో ఎంతో ఫేమస్ అవుతారు. దానికి రాజుగారి కోడిపులావ్ అనే పేరు పెట్టి పైకి ఎంతో సంతోషంగా ఉన్నా నిజాకి అతను సంతోషంగా ఉండడు. కారణం తనకు ఒక్కతే కూతురు ఉంటుంది. ఇక తన వైఫ్ తన మాట వినదు. అదే సమయంలో తాను ఒక ప్రమాదంలో రెండు కాళ్లను పోగొట్టుకుంటాడు. మరో వైపు కొందమంది ఫ్రెండ్స్ ఒక రోడ్ ట్రిప్ ప్లాన్ చేసుకుంటారు. అందులో డ్యాని(శివ కోన) క్యాండీ (ప్రాచి కెథర్) ఒక పెయిర్, అలాగే ఆకాంక్ష(నేహా దేష్ పాండే) బద్రి( కునాల్ కౌశిక్) భార్యభర్తలు. ఫారుఖ్(అభిలాష్ బండారి) ఈషా(రమ్య దినేష్) భార్యభర్తలు. క్యాండీ, ఆకాంక్ష, బ్రది, ఫారుఖ్ వీళ్లు కాలేజీ స్నేహితులు, ఈషా ఒక ఐటీ ఎంప్లయ్, ప్లానింగ్ ప్రకారం రోడ్డు ట్రిప్ కు వెళ్లిన ఈ మూడు జంటలు వీరి డెస్టినీ చేరుకునే లోపే కారు బ్రేక్ డౌన్ వలన అడవిలో నడవాల్సి వస్తుంది. అలా ప్రయాణం సాగిస్తున్న వీరిలో ముందు క్యాండీ మరణిస్తుంది. వారు అడవిలో దారి తప్పిపోతారు. తరువాత ఆ గ్రూప్ లో ఈషా కనిపించకుండా పోతుంది. తనకు ఏమైందో తెలియదు. అలా తిరుగుతున్న వారు ఫైనల్ గా అడవిలో ఒక ఇంట్లోకి వెళ్తారు. ఇక అక్కడే అసలు ట్విస్ట్ మొదలౌతుంది. అసలు క్యాండికి ఏం అయింది.? డ్యానీ ఎవరు? వీరి కాలేజీ లైఫ్ లో ఏం జరిగింది.? ఫారుఖ్, ఆకాంక్షల నడుమ ఎలాంటి రిలేషన్ ఉంది.? అలసు రాజుగారికి ఈ ముగ్గురు జంటలకు సంబంధం ఏంటీ? వరుస హత్యలు ఎందుకు జరిగాయి.? వంటి ప్రశ్నలకు సమాధానం తెలియాలంటే ఈ సినిమా చూడాలి.

విశ్లేషణ: 

ప్రభాకర్ నడుపుతున్న హోటల్ నుంచి కథ మొదలౌతుంది. ఆకాంక్ష, బద్రి భార్యభర్తలుగా ఉన్నా వారి రిలేషన్ సరిగా ఉండదు. దాంతో ఆకాంక్ష, ఫారుఖ్ తో రిలేషన్ పెట్టుకుంటుంది. ఇక గైనకాలజిస్ట్ గా పరిచయం అయిన క్యాండీ లవర్ డ్యాని చాలా హుషారుగా కనిపించే పాత్ర. ఫస్ట్ హాఫ్ అంతా చాలా కూల్ గా వెళ్తుంది. ఇక అడవిలోకి వీరు ఎంటర్ అయిన తరువాత కారు ఆగిపోవడంతో ప్రేక్షకులు ఒక్కసారిగా టెన్షన్ వాతావరణంలోకి వస్తారు. చూసే ప్రేక్షకుల్లో అక్కడి నుంచి ఏదో జరగబోతుంది అన్న ఉత్కంఠట ఏర్పడుతుంది. అనుకున్నట్లుగానే అక్కడ ఒక చెట్టుపైన పెద్ద పెద్ద కోడికాళ్ల అచ్చులు కనిపిస్తాయి. అవి మరింత ఆసక్తిని పెంచుతాయి. ఇక ఫస్ట్ ఆఫ్ లోనే క్యాండీ మరణించడంతో డ్యానీ వింతగా ప్రవర్తిస్తాడు. మిగితా వారిదో తగువులు పెట్టుకుంటాడు. అక్కడ వచ్చే డైలాగ్స్ ఫన్నిగా ఉంటాయి. ఇక డ్యానీ కనిపించకపోవడంతో ఫస్ట్ ఆఫ్ ముగుస్తుంది. సెకండ్ వచ్చే సరికి అదే ఆసక్తి కంటిన్యూ అవుతుంది. నెక్ట్స్ ఏం జరుగుంది అనుకున్న సమయంలో ఫారుఖ్ చనిపోతాడు. ఆ తరువాత అసలు కథలోకి ప్రేక్షకుడిని తీసుకెళ్లిన తీరు మెప్పిస్తుంది. అసలు కథకు రాజుగారికి ఉన్న ట్విస్ట్ సినిమాకు హైలెట్. అలాగే డ్యానీ ఫ్లాష్ బ్యాక్ చాలా ఆసక్తిగా ఉంటుంది. అసలు ఈ మొత్తం కనిఫ్యూజన్సు ముగింపు పలుకుతూ సెకండ్ ఆఫ్ ఓ థ్రిల్లింగ్ ఎక్స్ పిరయన్స్ తో ఎండ్ అవుతుంది. 

ఎవరేలా చేశారు: 

ముఖ్యంగా ఈ చిత్రంలో శివ కోన వన్ మ్యాన్ షోగా కనిపిస్తారు. యాక్టర్ గా, దర్శకుడిగా, నిర్మాతగా ఇంత పెద్ద బాధ్యత తీసుకొని చాలా కూల్ గా, చాలా ఈజ్ గా ఆ పాత్ర చేశారు. ముఖ్యంగా డ్యాని క్యారెక్టర్లో ఉన్న షెడ్స్ ను అద్భతంగా తెరపైన పండించారు. స్క్రీన్ మీద చాలా కూల్ గా కనిపిస్తూనే కామెడీ చాలా బాగా చేశాడు. ప్రాచీ థాకెర్ ఫర్ఫార్మెన్స్ బాగుంది. తాను చేసిన యాక్టింగ్ ప్రేక్షకులకు గుర్తుండి పోయేలా ఉంటుంది. అలాగే అభిలాష్ బండారి ఫారూఖ్ పాత్రలో చాలా హ్యండ్ సమ్ గా కనిపించారు. ఇక తన యాక్టింగ్ కూడా డిసెంట్ గా అనిపిస్తుంది. అలాగే నేహా దేష్ పాండే తన రోల్ కు పూర్తి న్యాయం చేసింది. ఆకాంక్ష పాత్ర కూడా రెండు కోణాలు ఉన్న పాత్ర కాబట్టి యాక్టింగ్ స్కోప్ ఉన్న పాత్ర. అందులో నేహా జీవించేసింది. కునాల్ కౌశిక్ బద్రి పాత్రలో చాలా బాగా చేశారు. కాస్త కన్నింగ్ ఉన్న పాత్ర. చాల సహజంగా నటించారు. రెండు మూడు వేరియేషన్లు చూపించే పాత్రలో ప్రేక్షకులని మెప్పిస్తుంది. అలాగే రమ్య దినేష్ తన పాత్ర మేరకు బాగా చేసింది. తన ఫ్రెష్టన్ తో నవ్వు తెప్పిస్తుంది. ఇక ఫైనల్ గా ఈటీవి ప్రభాకర్ స్క్రీన్ ప్రజెన్స్ కొంచెం సమయే ఉంటుంది. ఉన్నంతలో అద్భుతంగా చేశారు. 

సంకేతిక అంశాలు: 

డైరెక్టర్ శివ కోన డెబ్యూ సినిమా అంటే ఎవరు నమ్మరు. ఎక్కడా దర్శకుడు కొత్తవాడు అన్న ఫీలింగ్ రాదు. ఒక సస్పెన్స్ థ్రిల్లర్ ను ఎలా చూపించాలో అంతే గ్రిప్పింగ్ గా అద్భుతంగా చూపించారు. ఫన్, థ్రిల్లింగ్ అంశాలను మిక్స్ చేసి అద్భుతంగా తెరకెక్కించారు. ఇక సినిమా మెయిన్ ప్రాణం అయిన మ్యూజిక్. దీన్ని అందించిన ప్రవీన్ మణీ మంచి బ్యాగ్రౌండ్ స్కోర్ ఇచ్చారు. ఉత్కంఠబరితమైన సన్నివేశాల్లో తన చక్కని ప్రతిభను కనబరిచారు. అలాగే సినిమాటోగ్రఫి విభాగంలో పవన్ గుంటుకు మంచి విజువల్స్ అందించారు. అడవి లోకేషన్లు అందంగా చూపించారు.ఇక ఎడిటింగ్ కూడా బాగుంది. అలాగే నిర్మాణ విలువల విషయాని వస్తే చాలా వరకు నేచురల్ గా చిత్రీకరించారు. ఒక సస్పెన్స్ థ్రిల్లర్ కు ఏం కావాలో వాటిని చక్కగా తెర మీదు అవిష్కరించారు. మొత్తంగా సినిమా ఓ థ్రిల్లింగ్ ఎక్స్ పిరియన్స్ అని చెప్పవచ్చు. 

ప్లస్ పాయింట్స్

సినిమా థీమ్

కథనం

ఫ్లాష్ బ్యాక్ కొత్తగా ఉంటుంది.

ట్విస్ట్ బాగున్నాయి.

యాక్టర్స్ ఫర్మార్మెన్సెస్

Rating :3/5